Ел тұмар Ақпараттық портал
фото Елтұмар.кз
Әлем назарын өздеріне аударған қазақ оғландарының қашанда мәртебесі биік. Бір ғана Шымкент өңірінің ғана емес, қазақ елінің абыройын асқақтатқан спортшылар Махмуд пен Төрехан Сабырхандар бүгін елге оралды. Олар Ливерпуль қаласында өткен Әлем чемпионатында топ жарып, алтын медаль иеленді.
Барша қазақты қуантқан қос батыр Шымкенттің маңындағы Маятас атты елді мекеннен түлеп ұшқан. Жастайынан спортты серік еткен қос батыр әлемді мойындатып отыр.
Байрақты бәсекеде ел намысын абыроймен қорғаған қос батырды әуежайдан туған-туыстары, жанкүйерлері мен жерлестері зор қуанышпен қарсы алды. Ұлт аспаптар ансамбльі қазақ күйлерін күмбірлетіп, көңілді кештің ажарын ашты. Қолына ту ұстап, жеңіс әнін шырқаған көпшілік чемпиондарын айрықша құрметпен, салтанатты түрде күтіп, қуаныштарымен бөлісті.