Ел тұмар Ақпараттық портал
Шымкентте ішкі нарықты қамтып қана қоймай, көрші облыстардан бөлек, шетелдерге де өнімін экспорттайтын кәсіпорындар жетерлік. Солардың бірі «Барыс-2007» серіктестігі. Бүгінде серіктестік қоймаларында жеткілікті қор бар. Атап айтқанда ұн, макарон өнімдері тағы басқа тұтыну тауарлары бар. «Барыс-2007» ЖШС ұннан бірнеше түрлі макарон өнімдерін шығарады. Қазір қажет шикізаттары бар. Серіктестік қосымша 4 облысқа өнімін жөнелтеді. «Тасымалдау теміржол арқылы жүруде. Еш кедергі жоқ. Алдағы уақытта өнім көлемін арттыру жоспарда бар», — дейді «Барыс-2007» ЖШС бас директоры Айжан Найымбетова. Төрайым серіктестіктің өнімдерді бұрынғы бағада босатып жатқанын атап өтті. «Мадина» макарондары бүгінде үлкен сұранысқа ие. Серіктестік қаланың өркендеп, өсуіне өзіндік үлесін қосып келеді.