Ел тұмар Ақпараттық портал
Қазіргі таңда Шымкентте эпидемиологиялық жағдай қалыпқа түсе бастады. Мәселен, кеше бір күнде 437 науқас коронавирустан жазылды. Ал жедел жәрдем қызметін шақырту өткен айларда 2320-ға дейін жетсе, бүгінде ол 1200 шақырылымға азайды. Бұл – былтырғы жылмен салыстырғанда 100 шақырту ғана көп деген сөз. Жұқпалы ауруларға байланысты провизорлы орындар мен күндізгі стационарларда ем алушылар 77 пайызға азайды. Қазіргі қалыпты нормада 1420 төсек-орындық 10 провизорлы стоционар және 2 инфекциялық аурухана жұмыс істеуде. Егер науқастар саны көбейсе «Б» нұсқасына, ал ахуал тым ұшықса «С» нұсқасына көшу жоспары бар. Шымкенттік дәрігерлер медицинаның сапасы мен қолжетімділігін арттыру үшін жұмыла жұмыс істеуде.