Шымкентте есірткі қоюшыдан аса ірі мөлшердегі «синтетика» тәркіленді

Жедел іс-шараларды жүргізу барысында есірткі қылмысына қарсы іс-қимыл басқармасының қызметкерлері Әл-Фараби ауданының аумағында есірткі қоюшыны анықтады.

 

Тексеру кезінде ұсталған ер адамнан мефедрон салынған пакет табылып, тәркіленді. Осылайша, полицейлер психотроптық заттың 200-ден астам дозасының таралуына жол бермеді.

Жайт бойынша қылмыстық іс тіркелді. Ұсталған азаматқа қатысты тергеу жүргізілуде. Қазіргі таңда күдікті қамауда.

 

Құқық қорғаушылар есірткінің заңсыз айналымына байланысты қылмыс үшін бас бостандығынан айыру жазасы қарастырылғанын еске салады.