Ел тұмар Ақпараттық портал
Түркістан облысына қарасты Арыс қаласының адами әлеуетті дамыту бөліміне қарасты Б.Момышұлы, С.Қожанов, И.Журба атындағы білім беру мекемелеріндегі педагогтар мен кіші қызметкерлеріне «Отбасындағы зорлық-зомбылыққа жол жоқ» тақырыбында семинар өткізілді.
Түсіндірме жұмысының барысында жеке құрам қызметкерлер арасында спирттік ішімдіктерді пайдалануға байланысты құқық бұзушылықтың, отбасы-тұрмыстық қатынас саласындағы араздықтарға әкеп соқтыратын жанжалдарға жол бермеу, өз-өзіне қол жұмсаудың, нашақорлық пен алкоголизмнің алдын алу мақсатында ақпарат беріліп, үнпарақтар тарқатылды.
Бүгінде отбасылардағы тұрмыстық зорлық-зомбылық жағдайлары өте жиі кездеседі. Қазақстан Республикасының Конституциясында адамның қадір-қасиетіне қол сұғылмайды, әркімнің ар-намысы мен абыройлы атының қорғалуына құқығы бар деп анық жазылған. Зорлық-зомбылық – азаматтардың құқын бұзатын бір адамның екінші адамға тәндік немесе психикалық ықпал етуі. Түрлі тәсілдермен ұрып-соғу, дене жарақатын салу, азаптау, адам психикасына әсер етіп, жүйкесінің тозуы немесе тіпті жынданып кетуін тудыруы мүмкін. Қазіргі өзекті мәселелердің барлығы — адамдардың немқұрайлы қарауы.
Қоғамда өмір сүріп отырған әрбір азамат зорлық-зомбылыққа жол бермеу керек.
Зорлық-зомбылықсыз ел болу үшін ең алдымен құқықтарымызды дұрыс білуіміз жане сауатты, парасатты, иманды ұрпақ тәрбиелеуіміз керек.
Жиынға Арыс АПБ-нің ЖПҚ әйелдерді зорлық-зомбылықтан қорғау тобының инспекторы полиция майоры А.Мырзахметова, «Асыл жүрек» әлеуметтік орталығы» КММ-нің «Әлеуметтік психологиялық сүйемелдеу қызметінің» сектор психологы К.Төлебаева, қатысты.