Ел тұмар Ақпараттық портал
Түркістан облысына қарасты Төлеби ауданының экономикалық даму назардан тыс қалған емес. Атқарылған жұмыстар ұдайы сараланып отырады. Жуырда аудан әкімдігінде жоспарлы әкімдік мәжілісі өтті. Әкімдік мәжіліс аудандық мәслихаттың хатшысы, аудан әкімінің орынбасары, аудан әкімі аппаратының басшысы, қала,ауылдық округ әкімдері, аудандық дербес бөлім басшылары, ауданның тиісті мекеме басшылары,аудан газеттерінің редакторларының қатысуымен өтті. Мәжіліс барысында екі мәселе талқыланды.
Бірінші мәселе облыс және аудан әкімінің тоғыз айда берген тапсырмаларының орындалу қорытындысы туралы аудан әкімі аппаратының ұйымдастыру – инспекторлық бөлімінің бас инспекторы Жүнісбеков Досхан Бақытұлы баяндады. Баяндама барысында дербес бөлімдерге және ауылдық округ әкімдеріне берілген тапсырмалардың орындалуы туралы әр бөлім басшылары орындалған тапсырмалар бойынша өз жауаптарын берді. Күн тәртібіндегі екінші мәселе 2018 жылы мемлекеттік бюджет есебінен жүзеге асырылып жатқан әлеуметтік нысандар құрылысының барысы туралы аудандық құрылыс бөлімінің басшысы Бекболатов Ержан Тілемісұлы баяндады. Бүгінде ауданда құрылыс қыз қыз қайнап жатыр. Әлеуметтік нысандар, баспаналар көптеп салынуда.
Аудан басшысы баяндамаларды тыңдап шығып, тапсырманы орындауға қанша уақыт қажет ететіндігі жайлы жауапты бөлімнің өзінен сұрап, сол уақыт ішінде бітіруге уақыт берді.
Төлеби ауданы әкімінің баспасөз қызметі