Ел тұмар Ақпараттық портал
Шымкент қалалық білім басқармасына қарасты Циолковский атындағы №84 ЖОББМ оқушыларына жаңа 2020-2021 оқу жылына қашықтан оқуға дайындық жұмыстарын жүргізіп, мектеп тарапынан оқушыларға компьютер берілді. Мектептегі көп балалы, үйде оқытылатын, аз қамтылған отбасылардың жағдайына қарап компьютерлерді кестеге сәйкес мектептің информатика пәні мұғалімдері сынып жетекшілермен бірлесе оқушылардың үйіне барып компьютерлерді құрып, ата-анаға түсіндірме жұмыстарын жүргізді. Сонымен қатар, мектептегі оқулықтар барлық санитарлық ережелерді сақтай отырып оқушыларға таратылып берілді.
Жағдайы төмен, көп балалы, аз қамтамасыз етілген оқушылардың ата-анасының өтініші бойынша Шымкент ҚББ-ң сұранысымен «Қазақтелеком» АҚ интернет симкарталарын 106 отбасыға беретін болды.
Санаулы күн қалған жаңа оқу жылына оқушыларды қашықтан оқуға дайындық жұмыстары ойдағыдай жүргізілуде. Өз кезегінде ұстаздар қауымы Президенттің Қазақстан халқына арнаған Жолдауындағы әлеуметтік жаңғыртудың жаңа кезеңі бағытындағы білім беру сапасын арттыру үшін үлес қосуға дайын екендіктерін айтып отыр. Мектеп тарапынан көмек алған отбасылар, қалалық білім басқармасына, мектепке алғысын білдіруде.