Ел тұмар Ақпараттық портал
фото стан.кз
Мемлекет басшысы утильдік алым мөлшерін азайтуға қатысты бірқатар шаралар қабылдауды тапсырды. Бұған қатысты қолданбалы этносаяси зерттеулер институтының директоры Талғат Қалиев пікір білдірді, деп хабарлайды Stan.kz ақпарат агенттігі.
«Утильдік алым – өте ауыр тақырып. Оның ауқымын осы компанияның бенефициарлары шартты түрде тапқан 500 млн теңге бойынша ғана емес, еліміз бойынша жүздеген мың автомобильдердің Армения, Ресей және Қырғызстан тіркеуінде екендігімен де бағалауға болады. Яғни бір Кеден одағында бірыңғай кедендік мөлшерлемелер кезінде бізге Қазақстанда көлік сатып алу тиімсіз, өйткені бағасы тым қымбат. Арменияға барып, сол жерден көлік әкеліп және оны есепке алмау әлдеқайда тиімді болған», – деді Қалиев.
Талғат Қалиевтің автомобильдердің шамадан тыс қымбаттығы автокөлік паркін жаңартуға, апат саны мен жолдардағы өлім-жітімге де ықпал етіп отырғанын алға тартты. Оның сөзінше, алдағы уақытта көлік құны әлдеқайда төмендейді.
«Сұрақтар өте көп. Бірақ ең бастысы – бұл ондаған мың адам жұмыс істейтін, автомобильдерді жеке импорттаумен, сатумен айналысатын тұтас саланы өлтірді. Бұл өзгерістер осы саланы жандандырады, көптеген жұмыс орындарын құруға және көлік құнын төмендетуге көмектеседі деп үміттенемін. Яғни бұл тұтыну бағаларының индексімен және инфляциямен тікелей байланысты болады», – деді Талғат Қалиев.