Ел тұмар Ақпараттық портал
Олимпиадалық спорт түрі болып табылатын велоспорттан елімізде төрт ұлттық құрама команда жасақталған. Ұлттық құрамада әлемдік додада ел намысын қорғап жүрген екі шымкенттік спортшы бар.
Осындай жеңімпаздарды даярлап жүрген қаладағы №2 мамандандырылған спорт мектебіне велоспортты одан әрі дамыту мақсатында бюджеттен қаржы бөлініп, 86 жаңа велосипед алынды. Оның 51-і тас жолға арналған, 29-ы маутинбайк, 6 данасы трек велосипед. Іс-шараға қала әкімінің орынбасары Мақсұт Исахов қатысып, спортшыларды құттықтап, оларға сәттілік тіледі.
Айта өтсек, бүгінде №2 мамандандырылған спорт мектебі жеңіл атлетика, велоспорт және президенттік көпсайыс бағытында білім береді. Мектептегі 676 шәкірттің 23-і Қазақстан Республикасының спорт шеберлігіне үміткер болса, 10-ы спорт шебері. Оларды сайысқа 49 жаттықтырушы дайындайды.