Ел тұмар Ақпараттық портал
Табиғатынан ерекше қабілеттілігі мен мамандығына деген құштарлығын халық денсаулығы үшін жұмсап, күндіз-түні тынымсыз еңбек етіп келе жатқан білікті маман бүгінде қаламыздағы озық емханада қызмет атқаруда. Зуокас Лилия Геннадьевна – дәрігер гастроэнтеролог. 1992-1998 жылдар аралығында Х.А.Ясави атындағы Халықаралық Қазақ-Түрік университетін жалпы тәжірибелі дәрігер мамандығы бойынша тәмамдаған.
2009 жылға дейін осы мамандығы бойынша еңбек еткен. 2009-2011 жылдары дәрігер физиотерапевт болып қызмет еткен. 2011 -2015 жылдары №6 емханада гастроэнтеролог болып қызмет жасаған. 2015 -2020 жылдары «Grand Clinica “ медициналық орталығында гастроэнтеролог болып қызмет жасаған. 2020 жылдан бастап, қазіргі күнге дейін №1 қалалық емханада дәрігер гастроэнтеролог болып қызмет етуде.
Білімді де, білікті дәрігер тұрғындарға медициналық көмек және кеңес беруден жалықпай, олардың алғыстарына ие болып келеді. Әрдайым кәсібіне адал ақ халатты абзал жанның денсаулық сақтау саласында жеткен жетістіктері халық алғысымен өлшенері анық.