Сыртқы сауданың айналымы артып келеді

Еуразиялық экономикалық одаққа мүше мемлекеттермен тауарлардың өзара саудасының Түркістан облысы  бойынша, Шымкент қаласын қоса алғандағы негізгі көрсеткіштері жоғары. Алдын ала деректер бойынша, 2018 жылғы қаңтар-мамырда Түркістан облысының, Шымкент қаласын қоса алғанда Еуразиялық экономикалық одақ елдерімен өзара сауда көлемі 269,8 млн. АҚШ долларын құрап, 2017 жылғы қаңтар-мамыр деңгейіне 104,4%, оның ішінде экспорт – 89,2 млн. АҚШ долларын (87,6%) немесе өзара сауда көлемінің 33,1%, импорт – 180,6 млн.  АҚШ долларын (115,3%) немесе өзара сауда көлемінің 66,9% құрады. Ресей Федерациясымен өзара сауда көлемі 239,3 млн. АҚШ доллар (өзара сауда көлемінің 88,7%) сомасында қалыптасты, Қырғызстан Республикасымен – 18,2 млн. АҚШ доллар (6,7%), Беларусь Республикасымен – 12,2 млн. АҚШ доллар (4,5%), Армениямен – 0,1 млн. АҚШ доллар (0,1%).ЕАЭО елдеріне экспорттың жалпы көлеміндегі 84,6% Ресей Федерациясына, 13,6% – Қырғызстан Республикасына, 1,7%  – Беларусь Республикасына, 0,1% –  Армения Республикасына тиесілі.