Ел тұмар Ақпараттық портал
фото ТОӘБҚ
Астанада өтіп жатқан V Дүниежүзілік көшпенділер ойындарының екінші күні Түркістан облысының құрама командасының тамаша нәтижелерімен көпшілік спорт сүйер қауымның есінде қалды. Спортшылар жоғары жетістіктер көрсетіп, 5 алтын, 1 күміс және 1 қола медаль жеңіп алды.
Алтын жүлдеге ие болғандар арасында аударыспақ сайысында тамаша техника мен күш көрсеткен Ермек Құралбаев, Алмат Ләтіпбек және Дарын Өткелбай бар. Олардың ұжымдық жұмысы мен дайындығы команданың бірлігі мен шымырлығының шынайы символына айналған тамаша жеңіске әкелді.
Әйелдер құрамасы да шет қалмады: Көшпенділер ойындарында қазақ күресінен Айжан Жылқыбаева жеңімпаз атанды. Оның кілемдегі табандылығы мен шеберлігі қазақтың ұлттық спортының биік талаптарын растап, көптеген көрермендерді шабыттандырды. Түркістан облысының қоржынына тағы бір алтын қосылды, ол тек дене күші ғана емес, психологиялық төзімділігін де таныта білген Бексауыт Батыр. Жамбы атудан Айтбек Сарыбай күміс жүлдені жеңіп алды. Оның дәлдігі мен сенімділігі жас буын спортшыларға үлгі болды.
Қола медаль Ералхан Айкозға бұйырды, ол да лайықты шеберлік танытып, күш-жігерінің бағасын алды. Түркістан облысының құрамасы өңірдегі спорттың дамып, қазақ мәдениетінің дәстүрін сақтай отырып, халықаралық жарыстарда жоғары нәтиже көрсетуді жалғастыруда. Жанкүйерлер мен жерлестер әр спортшыны мақтан тұтып, оларға Дүниежүзілік көшпенділер ойындарында және басқа да беделді турнирлерде сәттілік тілейді. Айта кетейік, жарыстың екінші күні ҚР ұлттық құрамасы қоржынында жалпы 9 алтын, 1 күміс және 5 қола медаль бар.