Ел тұмар Ақпараттық портал
фото prosushi.ru
Түркістан қаласында 22 адам сушиден уланып қалған. Олардың біразы арнайы тапсырыспен тамақ алдырған деген болжам бар. Ал облыстық СЭҚБ аталған мәселе бойынша ақпарат бермей отыр. Аталған асқа деген құмарлардың қазір жағдайлары жақсы. Ешқандай шағымдары жоқ.
Түркістан облыстық Денсаулық сақтау басқармасы баспасөз қызметінің хабарлауынша: «Түркістан қалалық орталық ауруханасына 22 науқас жатқызылды. Оларға «Тағамдық токсикоинфекция, болжамды жағдай» диагнозы қойылған. Ем қабылдап жатқан науқастардың жағдайлары қалыпты. Барлығы жұқпалы аурулар бөлімшесінің оқшауланған палаталарға жатқызылып, ем тағайындалған, дәрі-дәрмек жеткілікті».