Жарияланды: 30.01.2019

Шымкентте автобустың қайда келе жатқанын көрсететін  ShymQala қосымшасы іске қосылды

Шымкент қаласында автобустардың қай жерде келе жатқанын көрсететін ShymQala атты мобильді қосымша іске қосылды. Бұл туралы Шымкент қаласының жолаушылар көлігі және автомобиль жолдары басқармасының өкілдері хабарлады

Олардың айтуынша, мобильді қосымша қалаішілік №141, 147, 147А 148А, 148Б, 102ША, 109ША, 118ША, 26 бағыттарына пилоттық режимде енгізілген.
Аталған қосымшаны смартфон иелері Play Market немесе Арр Store дүкендерінен жүктеп ала алады. Телефоныңыздың экранына автобустар белгіленген карта шығады. Өзіңізге қажет болған бағыттың үстін түрту арқылы, автобус жолын ғана емес, қай жерде келе жатқанын да біле аласыз. Бұл өз кезегінде аялдамада ұзақ уақыт тұрып қалу мәселесін жеңілдетеді.
Android құрылғылары үшін бұл әзірге сынақ нұсқасы, алдағы уақытта функциясы жаңартылып, пайдаланушыларға ыңғайлы етіп жасалатын болады. Сондай-ақ Ios (IPHONE, IPAD, IMAC) жүйесі үшін де нұсқасы әзірленеді.

1 350 қаралым