Ел тұмар Ақпараттық портал
Түркістан облысының тауарөндірушілері Астана қаласының 20 жылдық мерекесіне орай ауыл шаруашылығы өнімдерінің жәрмеңкесін өткізеді, деп хабарлайды Түркістан облысы әкімінің баспасөз қызметі. Шарада 50-ден астам кәсіпкер қатысып, жалпы құны 122,8 млн. теңгені құрайтын 286 тонна ауыл шаруашылығы өнімдерін арзан бағада саудалайды. Түркістан облысы Астана қаласының 20 жылдық мерекесі аясында 5 рет жәрмеңке өткізбек. Осы аралықта Түркістандық шаруалар Елордаға 14 753 тоннаны құрайтын ауыл шаруашылығы өнімдерінің 28 түрін жөнелтеді. Осы мақсатта облыстан 35 ірі және қосалқы шаруа қожалықтары мен кәсіпорындары іріктеліп, дайындық жұмыстары күшейтілуде. Ауыл шаруашылығы өнімдері тиелген алғашқы керуен Елордаға 20 маусым күні жолға шықты.Республикада өндірілетін ауыл шаруашылығы саласындағы жалпы өнімінің 12,4 пайызы Түркістан облысына тиесілі. Сондай-ақ, Түркістан облысы озық технологиялар терең қопсыту бойынша 110 мың, интенсивті бау 2,8 мың, жылыжай салу 1 325, тамшылатып суғару әдісін еңгізуде 59,1 мың гектармен республикада алдыңғы қатарда. Ондағы мал шаруашылығы бағытында халықаралық стандарттарға сәйкес ірі мал бордақылау мен замануи робатталған сүт-тауарлы фермалар және құс фабриклары іске асырылуда. Бұл облыстың аграрлық саласының экспорттық әлеуетінің жоғарғы екендігін көрсетеді. Өңірдегі индустриалдық инновациялық даму мемлекеттік бағдарламасы мемлекеттік қолдаулар мен қаржылық құралдары арқылы елдімекендердегі шағын және орта бизнес пен кооперациялар жүйесін дамытуға ерекше көңіл бөлініп келеді. Бүгінгі күннің өзінде облыста 60 мыңнан астам жеке және қосалқы фермерлік шаруашылықтарды біріктіретін 704 ауыл шаруашылығы кооперативтері құрылды.