Аумақты абаттандыру жұмыстары ауқымды

Шымкент қаласына қарасты Қаратау ауданының аумағында жалпы 352 көп қабатты тұрғын үй 152 аулаға біріктірілген. Қазіргі таңда аудан аумағындағы 57 аулаға біріктірілген 139  көпқабатты тұрғын үй аулаларына заманауи үлгідегі сапалы балалар ойын алаңдары және спорттық жаттығу тренажерлары мен 20 ашық спорт алаңшаларын орнату мен күтіп ұстау жұмыстарын мемлекеттік-жекеменшік әріптестік аясында «Бай-Болашақ» ЖШС-і тарапынан құрылыс жұмыстары жүргізілуде. Аяқ жолдар мен аялдамалар орнату жұмыстары да жүйелі жүргізілуде. Жалпы Қаратау ауданы инфрақұрылыммен толықтай қамтылған. Аудан аумағындағы жалпы ұзындығы 1,4 шақырымды құрайтын Тассай тұрғын алабындағы 2 көшеге аяқжол орнатылды. Сонымен бірге, аудан аумағындағы Нұрсәт, Азат, Достық, Бозарық, Ақжайық, Қайтпас, Нұртас шағынаудандары мен Қайнарбұлақ, Тассай, Таскен, Өтеміс, Шапырашты тұрғын алаптарындағы 66 орынға жаңа аялдама орнатылды.