Қазақстандықтарға 50 мың теңгелік мемлекеттік субсидия төленетіні рас па?

WhatsApp мессенджерінде «2022 жылға арналған қолдау қорынан» төлемдер төлеу туралы хабарлама тағы да таратыла бастады. Бұл жалған ақпарат, деп хабарлайды StopFake.kz.

Бұған дейін біз Қазақстанда осылай аталатын қор жоқ деп жазған болатынбыз.

Қазақстан азаматтарына төленетін 50 000 төлем туралы БАҚ-та да, мемлекеттік органдардың ресми ресурстарында да хабарланған жоқ.
Сонымен қатар, ақша алуға ұсынылған сайт сілтемесі сауалнамасы бар қорғалмаған ресурсқа апарады. Ұтыс ойындары мен ақшалай сыйлықтар тарату парақшалары түріндегі фишингтік сілтемелер де осындай парақшаларға апаратыны туралы біз бұған дейін жазған болатынбыз.
Фишинг – бұл интернет-алаяқтықтың бір түрі, онда қаскүнемдер интернет-банкингтердің, ақылы аккаунттардың логиндері мен парольдері және басқа да жеке ақпараттар сияқты пайдаланушылардың дербес деректерін иемденуге тырысады.