Ел тұмар Ақпараттық портал
2023 жылғы әлем чемпионатынан кейін Халықаралық бокс қауымдастығының рейтингісінде Қазақстан бірінші орында келеді. Бұл туралы Спорт Шредингера Telegram-каналына сілтеме жасап хабарлайды.
Екінші орында бұрынғыша Өзбекстан тұр. Үшінші Ресей келеді. Рейтингінің төртінші позициясында Үндістан орналасқан (әйелдер боксының арқасында). ТОП-бестікті Куба түйіндеп отыр. Ал АҚШ IBA-ден шыққаннан кейін және әлем чемпионатын өткізіп алған соң 10-ыншы орынға құлдырады.
Айта кетейік, IBA рейтингісінде халықаралық турнирлерде ерлер мен әйелдер командалары алған ұпайлар қосылады, тіпті алдын ала раундтағы жеңістер де ескеріледі. Ұпайлар саны жарыстар деңгейіне байланысты. Мәселен, әлем чемпионатындағы алтын медаль үшін – 2000 ұпай, күміс үшін – 1700, қола үшін – 1300, төртінші орын үшін 1000 ұпай беріледі.
Еске салайық, бокстан 2023 жылғы әлем чемпионаты 30 сәуір – 14 мамыр аралығында Өзбекстан астанасы Ташкент қаласында өтті. Қазақстан спортшылары 4 алтын, 1 күміс жеңіп алды. Жүлдегер боксшыларды Президент Қасым-Жомарт Ақордада қабылдады.