Ел тұмар Ақпараттық портал
ҚР Президенті Қ-Ж.Тоқаев мұны дөп танып, ел мүддесі үшін ЖИ-ді игеруді тапсырды. «Ана тілі» газетіне берген сұхбатында қазақ тілін жасанды интеллект нейрожүйесінде жедел дамытудың қажеттілігін тағы да баса айтты. Шынында қазіргі таңда ана тіліміз ЖИ-де шапшаң дамып келеді, тіпті ЖИ-мен бірге ілесіп келеді десек те болатындай. Дәл осы тақырыпты бүгін Түркістанда ғалымдар талқылап бастады. Ахмет Ясауи университеті базасында «Қазақ тілі – ғылым тілі: жасанды интеллект және терминология» ІІ халықаралық симпозиумы 2-4 сәуір күндері өтіп жатыр. Бүгін симпозиум аясында «ЖАСАНДЫ ИНТЕЛЛЕКТ ӘЛІППЕСІ» шеберлік сағаты өтті. «Жасанды интеллект әліппесі» аталатын кітап авторы Мейіржан Әуелханұлы және Құрманбек Бақытжан өте пайдалы ақпаратпен және өз тәжірибелерімен бөлісті.
Фото: Нахып Шынтеміров