Өндіріс орнында оқу орталығы бар

Шымкенттегі «Оңтүстік» арнайы экономикалық аймағында орналасқан «Әлем-БТ» ЖШС-нің шұлық жасау фабрикасында «Әлем білім орталығы» жұмыс атқаруда. Мұның барлығы да «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасының» шапағаты тиіп отыр. Жобалық құны 2 млрд.тг. болатын «Әлем БТ» өндіріс орны жұмысын 2015 жылы бастаған. Екінші кезеңі 2017 жылы жүзеге асқан. Қазіргі таңда фабрикада 240 тігін машинасы жұмыс істеп, 400-ге жуық адам еңбек етеді. Өндірілген өнімнің 70%-ы ішкі нарыққа шығарылса, 30% — ы экспортталады. Құрал жабдықтардың барлығы Оңтүстік Кореядан жеткізілген. Бір қызығы «Әлем БТ» ЖШС тоқыма фабрикасында бір шұлық небәрі 10 секундта тоқылады екен.
Шымкент қаласының жұмыспен қамту және әлеуметтік қорғау басқармасының баспасөз қызметі