Тазалау жұмыстары жүргізілуде

Табиғаттың тосын мінезі де қала тазалығына нұқсан келтіруде. Шымкентте солтүстік-шығыстан соққан  дауыл коммуналшылар мен төтеншеліктерге қосымша жұмыс тауып берді. Көшедегі талдарды тамырымен қопарып тастаған дауылдың салдарлары жойылуда. Қала тазалығына жауапты мекемелер дер кезінде қала көшелеріне шашылған ағаш бұтақтарын тазалауда. Шымкент қаласына қарасты Абай ауданы аумағында тұрғындардың қауіпсіздігін сақтау мақсатында ішкі орамдық көшелердегі және көп қабатты тұрғын үйлердің аулаларында қатты соққан желдің әсерінен құлаған ағаштардан тазалау және қырқу жұмыстары жүргізілуде.