Ел тұмар Ақпараттық портал
Қала тазалығына мекемелер ғана емес, қала тұрғындарының барлығы да жауапты. Бүгінде шырайлы Шымкенттің одан да бетер гүлденіп, көркеюі үшін қолынан келген көмегін аянбайтын азаматтар қатары артып келе жатқаны қуантады. Күні кеше Шымкент қаласына қарасты Әл Фараби ауданы әкімдігіне қарайтын Ә. Жангелдин көшесінің бойында орналасқан №14, 16, 18, 22, 22 а, 26 көпқабатты тұрғын үй тұрғындарының ұсынысы бойынша, осы аулаларда тазалық шарасы ұйымдастырылды. Аулалардың таза да әсем болуы үшін тұрғындар барынша атсалысуда. Қыс бойы жиналып қалған күл, қоқыстарды тазартып, ауланың шырайын келтірді. Аула тазалап қана қоймай, ағаш көшеттерін де отырғызды. Аптап ыстықта көлеңке болатын ағаштарды әлден күтіп баптауды тұрғындар өз мойындарына алып отыр.
Қуаныш Дәулетқали