Ел тұмар Ақпараттық портал
Шымкент қаласына қарасты Қаратау ауданы, Сайрам елді мекендегі Ибрагим ата көшесінде орналасқан мал бордақылау және тауарлы сүт өнімін өндірумен айналысатын «Бәйтерек Агро» АӨК бүгінде өндіріс аясын кеңейтіп келеді. Кешеннің негізгі өндіріс саласы-ірі қара мал бордақылау, тауарлы сүт фермасы, сүт қабылдау мен қайта өңдеу және мал сою орны болып табылады. Кешенде 1300 басқа арналған ірі қара мал бордақылау алаңы мен 200 бас тауарлы сауынды сиыр бар. Тәулігіне 4 тоннаға дейін сүт қабылдап, сәйкесінше тәулігіне 4 тоннаға дейін сүт өңделеді. Бұдан басқа тәулігіне 50 бас ірі қара малды союға мүмкіндігі бар. Өндіріс кешені алдағы уақытта жұмысшылардың қатарын арттырмақ ниетте. Қаланың экономикасына қомақты үлес қосып отырған кәсіпорынның алға қойған жоспарлары көп.