Ел тұмар Ақпараттық портал
Атақты әзілкеш әрі продюсер Нұрлан Қоянбаевқа қатты ұқсайтын адам АҚШ-тан табылды.
Кәсіпкер Қытайда туылғанымен, қазір АҚШ-та тұрып жатыр, деп хабарлайды Экспресс К.
Танымал әзілкештің сыңары әлемде біреу емес, бірнешеу екен. Нұрланнан аумайтын адамдарды «Salem, men Nurlan Koyanbayev» веб-сериалының 10-шы бөлімінде ашық көрсетеді.
Salem social media түсірген «Salem, men Nurlan Koyanbayev» атты веб-сериал 10 желтоқсанда көрерменге жол тартты. Веб-сериал —белгілі әзілкеш Нұрлан Қоянбаевтың шынайы өмірі жайлы. Тоқтаусыз жұмыстан шаршаған ол жоспардан тыс демалысқа шығып, қашып кетеді. Сол кезде әзілкештің көмекшісі бизнес-серіктестерінің алдында ұятқа қалмас үшін «Қоянбаевқа» ұқсайтын Ұлан деген жігітті ауылдан іздеп, тауып әкеледі.
Экспресс К тілшісіне веб-сериалдың сценарисі, актері Сәбит Рақымбаев атақты әзілкештің сыңарын іздеп, арнайы кастинг ұйымдастырғанын айтты. Алайда іріктеуден еш нәтиже шыға қоймапты. Есесіне ол Қоянбаевқа қатты ұқсайтын адамдарды әлеуметтік желі арқылы шет елден тауып алған.
«Сценарий жазуға екі жарым ай кетті. Өте қиын болды. Нұрланның істеп жатқан жұмысын, оның өмірге деген көзқарасын көрсету оңай болмады. Жазда Нұрланға ұқсайтын адам бар ма екен деп, кастинг ұйымдастырдық. Өкінішке қарай әзілкештен аумайтын адамды таба алмадық. Алайда АҚШ-та тұратын жігітті әлеуметтік желіден көрдік», — дейді Сәбит Рақымбаев.
Веб-сериал 12 бөлімнен тұрады. Сәбиттің айтуынша, видеохикаяның жалғасы алдағы уақытта түсірілмейді. Қоянбаевтың өмірі жайлы веб-сериал көңілді көтеріп қана қоймай, адамға түрлі ой салады.
Веб-сериалдың жалғасын түсірмейміз. Айтар ойдың бәрін жеткіздік. Оны созудың мәні жоқ,