Ел тұмар Ақпараттық портал
Бүгінгі Қазақстанның тәуелсіздігінің нығаюы мен дамуының обьективті шарттарының бірі – ол осы қазақстандық патриотизм. Отансүйгіштік деген ұғым өзің жаралған топырақ пен өскен ортаға деген ізгі сезімді білдірмейді, аясы әлдеқайда кең ұғым. Елдік, бірлік, халықтық қасиет-қазыналарды қастерлеу мен ертеңге деген берік сенім сияқты сезімдерді оятатын да осы отансүйгіштік. Оның қоғам дамуында айырықша орын алатын құдіретті рухани факторға айналуының сыры да осында жатыр.
Түркістан облысына қарасты Арыс қалалық мәдениет үйінде қалалық №17 колледжімен бірлесе отырып «Дарын-2022» патриоттық әндер кеші өтті. Кеште Мәдениет үйінің және №17 колледж өнерпаздары өнерлерін паш етіп, қалың көрерменнің ыстық ықыласына бөленді. Байқауды өткізудегі басты мақсат жастардың бойына отаншылдық рухты сіңіру, әскери қызметтің беделін арттыру, жастар арасында әскери қызметке деген қызығушылықты арттыру болып табылады.