Ел тұмар Ақпараттық портал
20 қарашада Қазақстанда ел Президентінің кезектен тыс сайлауы өтеді.
Осы орайда, Түркістан облысының әкімдігі тарапынан тұрғындарды тиісті ақпаратпен қамтамасыз ету мақсатында облыс әкімдігінің qov.kz ресми интернет ресурсында сайлау туралы мәліметтер екі тілдік нұсқада орналастырылған.
Өңір тұрғындары https://tur.saylaw.kz/ сайтына кіріп, өзінің жеке сәйкестендіру нөмірін (ЖСН) енгізе отырып, қай сайлау учаскесінен дауыс беретінін, сондай-ақ сол сайлау учаскесінің қай мекен-жайда орналасқанын біле алады.
Сондай-ақ, облыста Telegram-бот мобильдік қосымшасы арқылы тұрғындар дауыс беру учаскелерінің мекенжайы туралы толық ақпарат алуына болады. Бүгінге дейін 2 621 қоңырау және Telegram-бот қосымшасы арқылы 8 426 сұрау келіп түскен, оның ішінде 8 117 азамат өз сайлау учаскесін анықтаған.
Облыс орталығы Түркістан қаласында тіркеуде жоқ азаматтарды анықтау және тіркеу бойынша 5 сайлау учаскесі нақтыланып, ХҚКО қызметкерлеріне тіркеу базасына қолжетімділік қамтамасыз етілді. Облыс бойынша 309 сайлау учаскесінде egov.kz порталы арқылы сайлаушылардың тіркелмеген мекен-жайын тексеру бойынша онлайн сервистер ұйымдастырылған. Қызмет көрсететін комиссия мүшелері арнайы оқытулардан өтіп, тиісті рұқсаттары берілген.
Бұл ретте, 24/7 режимде Call — орталық 109 бен Telegram-бот @tur_sailaw_bot арқылы тұрғындар қай сайлау учаскелерінде дауыс беретіндігі туралы ақпарат ала алады. Call – орталық қызметі арқылы тұрғындар қай сайлау учаскелеріне дауыс беретіндігі туралы біле алады.
Түркістан облысының Өңірлік коммуникациялар қызметі