Ел тұмар Ақпараттық портал
фото ТО ӘБҚ
Түркістан облысы «Жастар ресурстық орталығы» КММ-нің ұйымдастыруымен республикалық «Zhas Camp. Jastar Academy II» лагерінің ашылу салтанаты өтті. Аталмыш шара бүкіл ел жастары үшін айтулы оқиғаға айналып үлгерді. Биылғы жылы Jastar Academy II лагерінің ашылу салтанаты жоғары деңгейде ұйымдастырылып, көптеген жас қатысушылар жиналды.
Аталмыш лагер ұлттық құндылықтарды насихаттауға, салауатты өмір салтын қолдауға және жастардың спорттық дағдыларын дамытуға бағытталған. Лагерьге қатысу жастардың физикалық және рухани қасиеттерін нығайтуға мүмкіндік береді, сонымен қатар патриоттық сезімін қалыптастыруға және туған мәдениетіне құрметпен қарауға ықпал етеді. Лагерь қатысушылары 6 топқа бөлініп, олардың әрқайсысы әртүрлі спорттық түрлері бойынша өзара жарысқа түсті. Бұл салауатты бәсекелестік атмосферасын қалыптастырып, ұжымдық рух пен көшбасшылық қасиеттерді дамытуға ықпал етті.
Лагерьде ең күшті және ең мықты қатысушыларды анықтауға бағытталған түрлі спорттық шаралар өтті. Спорттық жарыстар қатысушылардың физикалық қабілеттерін жақсартуға және денсаулығын жақсартуға көмектеседі. Лагерьдің басты мақсаттарының бірі – ұлттық құндылықтарды насихаттау. Қатысушылар қазақтың мәдениетімен, салт-дәстүрлерімен және әдет-ғұрыптарымен танысты, бұл олардың мұрасы мен ұлттық болмысына деген құрметті қалыптастыруға ықпал етті. Аталмыш лагер салауатты өмір салтын белсенді түрде қолдайды. Лагерьде ұйымдастырылатын спорттық іс-шаралар дене шынықтыру дағдыларын дамытуға, денсаулықты нығайтуға және жастарды спортпен жүйелі түрде айналысуға тартуға бағытталған.
Түркістан облыстық «Жастар ресурстық орталығы» КММ ұйымдастыруымен Республикалық жобасы жастарды дамытуда маңызды рөл атқарады. Лагерь шаралары қатысушылардың физикалық және рухани денсаулығын нығайтуға, ұлттық құндылықтарды насихаттауға және салауатты өмір салтын насихаттауға көмектеседі. Лагерь жастардың өзін-өзі танытуы мен дамуының, олардың өсіп-өркендеуіне жағдай жасаудың маңызды алаңы болып қалуда. Аталған шараға ҚР Мәдениет және ақпарат министрлігі Жастар және отбасы істері комитеті төрағасының орынбасары Біржан Әлімжанов мен Облыстық қоғамдық даму басқармасы басшысының орынбасары Нұрсұлтан Сейтжанов, Төлеби ауданы әкімінің орынбасары Лесбек Серікбаев қатысып, іс-шараны ашып берді.
Жастардың ынтымақтастығы мен бірлігін арттыру, танымдық қызығушылығын ояту арқылы білім деңгейін көтеру және интеллектуалды ортаны қалыптастыру мақсатында ұйымдастырылған шараға еліміздің 20 облысынан келген 300-ге жуық жас қатысып жатыр. Алдымен, барлық өңірдегі Жастар орталығының басшылары мен мамандары «TOP’ 23-24» мемлекеттік жастар саясатын жүзеге асыру аясындағы өңірлік үздік жобаларын таныстырды. Бұл салауатты бәсекелестік атмосферасын қалыптастырып, ұжымдық рух пен көшбасшылық қасиеттерді дамытуға ықпал етеді. Аталмыш лагер денсаулықты нығайтуға және жастарды спортпен жүйелі түрде айналысуға тартуға бағытталған.
Лагерь барысында мемлекеттік жастар саясатын жүзеге асыруға бағытталған «TOP’ 23-24» өңірлік жобаларының тұсаукесері өтті. Еліміздің барлық өңірлерінен келген жастар орталықтарының жетекшілері мен мамандары жастармен жұмыс жасаудағы жетістіктері мен инновациялық тәсілдерін көрсете отырып, үздік жобаларын ұсынды. Қатысушылар топқа бөлініп, спорттық сайыстарда өзара мықтыны анықтауда. Шара барысында арқан тартыс, гір тасын көтеру, армрестлинг бойынша сайысқа түсті. Жастар жоғары дайындықпен келгендердің дәлеледі. Саыс өте тартысты өтті. Сонымен қатар белсенді жастары «Таза Қазақстан» республикалық экологиялық акциясы аясында Қасқасу өзенінің бойында тазалық жұмыстарын жүргізді.
Кешке қарай Қазақстан Республикасы Мәжілісінің депутаты Руслан Берденовпен кездесу өтті. Кеш қызықты өтуі үшін алау жағылды. Алау басында жастар қызықты әңгіме өрбітті. Руслан Берденов жастармен «Лудомания: Қоғамға төнген қатер» тақырыбында әңгіме жүргізіп, құмар ойындардың зияны және оның қоғамға әсері туралы маңызды сұрақтар қойды. Халық қалаулысы бүгінде көбейіп бара атқан құмар ойыннан аулақ болу қажеттігін баса айтты. Жастар бос уақыттарын тиімді пайдаланып, түрлі кәсіп үйренгені дұрыс екендігін тілге тиек етті. Қатысушылар жастар саясатының жүзеге асырылу барысы, жастардың қоғам дамуындағы рөлі мен күнделікті кездесетін мәселелерін талқылады. Жастар көкейлеріндегі сауалдарын жолдап, тұщымды жауаптарын алды. Талқылаудан кейін кеш концерттік бағдарламамен жалғасып, лагерь қатысушылары арасында шаттық пен бірлік сыйлады. Кешкі алау басында жастар әуелете ән салып, шарықтата өлең оқыды. Алдағы уақытта осында бағыттағы шаралар жиі өткізілсе деген тілектерін жеткізді. Жалпы екі күнге жоспарланған шара барысында панельдік сессиялар мен топтық жұмыстар ұйымдастырылып, түрлі сала бойынша спикерлер жастармен кездеседі деп күтілуде.