Ел тұмар Ақпараттық портал
фото ТОӨТМ
Түркістан облыстық тарихи-өлкетану музейінде ХХХІІІ жазғы Олимпиада ойындарына арналған «Бүгінгі күннің батырлары» атты көрме ашылды. Көрменің мақсаты – қазақстандық спортшылардың жетістіктерін атап өту ғана емес, 2024 жылы өтетін жарыстарға дайындалып жатқан спортшыларымызға қолдау көрсету.
Көрменің негізгі мақсаттары — көрнекті спортшыларды таныстыру яғни, көрмеде қазақ елінің халықаралық аренадағы мәртебесін көтеруге зор үлес қосқан Бекзат Саттарханов, Мұхтархан Ділдәбеков және Әлия Юсупова туралы мәліметтер қойылған. Бұл спортшылар Сидней Олимпиадасындағы жеңістерімен танымал болып, өскелең ұрпаққа шабыт берген болатын.
2024 жылғы Олимпиада ойындарын қолдау көрсету мақсат болып отыр. Көрме біздің спортшыларға қолдау көрсетуге бағытталған. Қазақ патриотизмін насихаттай отырып көрме қазақ спортының табысты өкілдерінің үлгілерін көрсете отырып, ұлттық бірегейлікті, ынтымақтастық пен Отанға деген сүйіспеншілікті нығайтуға көмектеседі. Көрмеде спортшылардың фотосуреттері, медальдары жеке заттары және келушілерге олардың жетістіктері мен ел үшін маңызын тереңірек түсінуге көмектесетін мультимедиялық презентациялар бар.