Ел тұмар Ақпараттық портал
фото Елтұмар.кз
Түркістан облысына қарасты Сауран ауданының құрылғанына үш жыл толуына және Халықаралық жастар күніне орай 12 тамыз күні әкімшілік ішкі саясат бөліміне қарасты Жастар ресурстық орталығының ұйымдастыруымен Сауран ауданында “ЖАСТАР FEST” атты мәдени іс-шара өтті.
Мерекелік кешті Сауран аудандық ішкі саясат басқармасының басшысы Нұрғазы Тәжібеков ашты. Жастар қашанда өз елінің патриоты болуы тиіс екенін тілге тиек етті. Сондай-ақ, жастық шақ – биік арман мен үміттің, биік абыройдың символы екенін атап өтті. Бұл жастардың қоғамдағы маңыздылығын және олардың аймақтың болашақ дамуындағы рөлін көрсетеді. Іс-шара аудан жастарының басын қосып, олардың таланттарын көрсетуге, өзара пікір алмасуға және өзара қарым-қатынасты нығайтуға мүмкіндік берді. “ЖАСТАР FEST” жастардың қоғамдық өмірге белсене араласуына, олардың бастамаларын дамытуға ықпал ететін айтулы шараға айналды.
«Ауған соғысы ардагерлері мен мүгедектер кеңесі» қоғамдық бірлестігінің төрағасы Тілес Ақай өз сөзінде бүгінгі жастар еліміздің ертеңгі болашағы екендігін, жас буын Қазақстанның жаңа келбетін қалыптастыратынын атап өтті. Бүгінгі заман білім мен ғылымның заманы, білімді де білікті жастар елімізді алға сүйрейтінін, жастардың жаңа белестерге ұмтылуы тың идеяларды тудыратынын, оның қоғам дамуы үшін маңызы зор екенін баса айтты.
Тілес Ақай жастардың ел ертеңі шешуші рөл атқаратынын, олардың белсенділігі мен бастамашылдығы өмірдің әр саласында елеулі өзгерістерге әкелетінін баса айтты. Бұл жастарды қоғам игілігі үшін олардың әлеуеті мен идеяларын жүзеге асыруға көмектесетін әлеуметтік процестерге қолдау мен тартудың маңыздылығын көрсетеді. Аға буынның жалынды сөздерін жастар қызу қуаттады. Мәдени кеш барысында аудандық ішкі саясат бөлімінің басшысы Нұрғазы Тажыбеков бірқатар белсенді жастарды Халықаралық Жастар күнi мерекесімен құттықтап, Сауран ауданы әкімі Мақсат Асылбекұлының арнайы Алғыс хаттарымен марапаттады.
“ЖАСТАР FEST» мәдени шарасының кешін мерекеге белсене атсалысқан блогер, жастар жанашыры Азамат Сәрсенбай жүргізді. Мерекелік көңіл-күйді кеш қонақтары – Есқара Бейбітов, Ясир Махмут, Бабола Бенджамин және ауданның өнерлі жастары әуелете ән салып, кеш көркін қыздыра түсті. Бұл іс-шара жастардың таланттарын көрсету және қатысушылар арасындағы байланысты нығайту үшін маңызды алаңға айналды. Шабыттандырушы атмосфера мен қонақтардың қойылымдары жағымды көңіл-күй тудырып, жастардың мәдени-қоғамдық бастамаларға белсене араласуына ықпал етті.