Әдеби сағат өткізілді

фото Төлеби мәдениет

Түркістан облысы Төлеби аудандық орталықтандырылған кітапхана жүйесінде ұлы тұлғалардың бірі Абай Құнанбаевтың туғанына 179 жыл толуына орай «Асыл сөзді іздесең…» атты әдеби сағат өтті. Бұл шара оқырмандарды, студенттерді және барша жұртшылықты ұлы ақынның рухына тағзым етіп, оның шығармашылығымен танысуға шақырды. Әдеби сағаттың басты мақсаты – Абай шығармалары туралы білімдерін тереңдетіп, өскелең ұрпақтың бойына адалдық, мейірімділік сияқты адамгершілік қасиеттерді сіңіру. Шараға қатысушылар ұлы ақынның философиялық ой-пікірлері мен өмірлік ұстанымдарын ұғынуға үлес қосқан өлеңдерін оқыды. Әдеби сағат аясында Абай Құнанбаев шығармашылығына арналған кітап көрмесі ұйымдастырылды. Көрмеде оның шығармаларымен қатар оның өмірі мен қазақ әдебиетіне қосқан үлесі туралы кітаптар қойылды. Бұл қатысушыларға оның шығармашылығымен танысып қана қоймай, Абай идеяларының бүгінгі күні қаншалықты өзекті екенін түсінуге мүмкіндік берді. Поэзияны музыкамен оқу поэзия мен музыканың тоғысқан ерекше атмосферасын тудырып, шығармаларды эмоционалды қабылдауды күшейтті. Қатысушылар Абай мұрасын терең тануға ықпал еткен өлеңдерінің мән-мағынасы туралы алған әсерлері мен ойларымен бөлісті. Осылайша, әдеби сағат поэзия мерекесі ғана емес, жастарды адамгершілікке, отансүйгіштікке тәрбиелеудегі маңызды қадам болды. Шарада Абай Құнанбаев мұрасының қазақ халқы үшін маңызы мен мәдени болмысының қалыптасуына ықпалы атап өтілді. Шараны өткізудегі негізгі мақсат — оқырмандарға ұлы кемеңгер ақын Абай Құнанбаевтың шығармаларымен таныстыру. Ақынның өлеңдері мен қара сөздерін оқыту арқылы адамгершілікке, адалдыққа баулу. Оқырмандарды кітап көрмесімен таныстыру.

Әдеби сағаттан кейін кітапханада көптеген кітап сүйер қауым мен белсенді оқырмандардың басын қосқан «Жаңа кітаптар» атты шара өтті. Бұл шараның мақсаты – кітаптың сырлас, дос әрі кеңесші, білім мен рухани азық ретіндегі маңыздылығын көрсету. Іс-шараға қатысушылар соңғы әдебиеттермен танысып, кітаптың өміріміздегі маңызы туралы біле алды. Шара барысында кітапханашылар оқырмандарға кітаптың ерекшеліктері мен оның білім мен тәрбиедегі рөлін түсіндірді. Кітап оқудың негізгі құралы, оларсыз өмірімізді елестету мүмкін емес. Олар адамзат өркениетінің сан ғасырлық мұрасын жеткізіп, ішкі дүниемізді байытып, қабылдау көкжиегін кеңейтеді. Әсіресе, кітап арқылы халқымыздың мәдениетін, тарихын, салт-дәстүрін танып-білудің маңызы зор. Кітап оқу ақыл-ойды дамытып қана қоймай, туған жерге деген сүйіспеншілікті, ана тілін, салт-дәстүрін құрметтеуге тәрбиелеу. Шараға қатысушылар оқыған шығармаларын қызу талқылап, алған әсерлерімен, ұсыныстарымен бөлісіп, кітапқұмарлар арасында бірлік пен өзара түсіністік атмосферасын қалыптастырды.

Оқырмандардың үлкен қызығушылығын тудырған шарада жаңа кітаптардың тұсауы кесілді. Кітапханашылар әр шығармаға, оның авторы мен тақырыбына тоқталып, қатысушылардың кітап оқуға деген қызығушылығын арттырып, ой-өрісін кеңейтуге ықпал етті. Олардың көпшілігі оқуға құмарлығын және көбірек білуге ​​құштарлығын танытып, жаңа кітаптарға бірден жазылды.

Осылайша, «Жаңа кітаптар» шарасы жастар арасында кітап оқуды насихаттау мен мәдени құндылықтарды нығайтудағы маңызды қадам болды. Бұл қатысушыларды әдебиетті одан әрі оқып-үйренуге және облыстың мәдени өміріне белсене араласуға шабыттандырды, кітаптың тұлғаны қалыптастырудағы және қоғамның дамуындағы маңыздылығын атап өтті.