Мақтарал аудандық «Жастар ресурстық орталығы» комунналдық мемлекеттік мекемесінің бастамасымен Нұрлыбаев ауылдық округі әкімі округ жастармен кездесті. Кездесуге жергілікті округке қарасты мектептерден оқу озаттары, аудан, облыс, республика көлемінде танымал жастар, талантты жастар және жұмыссыз жастар мен ата-аналар комитетінің төрағалары, ауыл ақсақалдары арнайы қатысты. Кездесу барысында ел ағалары мен ақсақалдары өз ойларын ортаға салып, әлемде болып жатқан оқиғалар мен құбылыстарға қатысты пікірлерін білдірумен қатар, өздерінің кәсіби және өмірлік тәжірибелерімен бөлісті. Сонымен қатар басқосу кезінде ұрпақтар сабақтастығын сақтау, Мемлекет басшысының «Болашаққа бағдар: рухани жаңғыру» мақаласы тұрғысынан рухани-адамгершілік құндылықтар, білім, өмірлік философия, қазақ халқының мәдени, тілдік ерекшеліктері төңірегінде пікір алмасты. Жаңа заманға сай білімді болумен қатар, тәрбиелі болуға үндеді. Кездесу барысында жастарға қатысты өзекті тақырыптарда еркін пікірлер мен ұсыныстар айтылып мерекелік іс-шараға жалғасын тапты.