Суицидке не себеп?

Суицид — өз өмірін өлімге қию. Биылдың өзінде 8 оқушы жантүршігерлік қадамға барған. Оның төртеуі өмірмен қоштасты. Дүниежүзілік денсаулық сақтау ұйымының мәлеметінше аталған дерек бойынша Қазақстан, Орта Азия елдері арасында алдыңғы орында тұр. Жасөспірімдердің өлімге асығуына не себеп? Бұл «Bilim foundation» қоғамдың қоры ұйымдастырған дөңгелек үстелде айтылды.

Мамандардың айтуынша, қоршаған ортадағы түрлі құбылыстар мен  қақтығыстар суицидке тек түрткі бола алады. Өз—өзіне қол жұмсау әректтерінің 90 пайызы психикалық денсаулықтың нашарлығынан. Елімізде 2016 жылы құрылған  «Bilim foundation» қоғамдық қорының мақсаты, моральді тұрғыда көмекке мұқтаж жасөспірімдерді анықтап, оларға  көмек көрсету. Денсаулық сақтау мен білім басқармасы мамандарының басын қосқан жиынның Түркістан облысында өтуі тегін емес. 

Ерлан Айтмұхамедов – «Bilim foundation» қоғамдық қорының жетекшісі

 Қоғамның басты байлығы адам және оның денсаулығы десек… Жыл сайын 200-ге жуық азамат жан түршігерлік қадамға барады. Деседе мамандардың сөзінше бұл көрсеткіш соңғы 5 жыл ішінде едәуір азайған. Мектеп пен ата-ана арасындағы байланыс беки түскен.

Эльмира Муетова — №9 Ө.Жолдасбеков атындағы мектеп лицейінің психологі

 Қазіргі таңда біз ата-ананмен тығыз байланысы орнатып жатырмыз. Баламен қалай сөлесу керектігін үйретіп жатырмыз.  Жұмыстар жүргізіп жатыр. Бірақ ол 100 пайыз емес. Әлі де біздің балаларға психологиялық қарулану жетіспейді.

Мектеп оқушыларының психологиялық сауаттылығын арттыру қажет. Өйткені өзіне қол жұмсау әрекетіне барған жасөспірімдердің тек 10 пайызы шынайы өлгісі келсе, қалған көпшілігі қорқытып, көмекке шақырады. Сондықтан әр ата-ана бастысы баламның киімі бүтін, қарны тоқ демей. Сырласып  жан дүниесіне үңіліп, көңіл бөлгені дұрыс.