Ел тұмар Ақпараттық портал
Күз- қысқа қамданып, қамба астыққа толатын мезгіл. Сонымен қатар, бұл уақытта мектеп оқушыларының асыға күтетін дәстүрлі мерекелік іс — шарасы өтеді. Мектеп шәкірттерін еңбекке, өнер мен білімге баулитын мәдени шараның атауы – «Күзгі бал». Бұл жылы да №89 Л.Жолдасов атындағы жалпы орта мектепте аталмыш мереке тойланып, жоғары сынып оқушылары арасында сайыс болып өтті.
Дәстүрлі түрде өтетін мерекелік іс-шараға ұйытқы болған Келес ауданына қарасты ішкі саясат бөлімінің «Жастар ресурстық орталығы» КММ-сі. Мақсат — мәдениеттілікті, рухани адамгершілікті, өнерге, білімге деген шығармашылық ізденістерін дамыту, жастар арасында ана тіліміздің дамуы мен жандануына үлес қосу, талантты жастарға қолдау көрсету, қолөнерге бейімділігін байқау болып табылады.
«Жүйріктен жүйрік озар жарысқанда..».Тартысты сайыс нәтижесінде кіл мықтылар арасынан ойға озат, өнерге бейімдердері оқ бойы оза шықты. Жеңімпаз жұп «Күзгі балл -2018» байқауының ханшайымы мен ханзадасы атанып, құрметке ие болды.