Ел тұмар Ақпараттық портал
Жетісай ауданында жастар мен жасөспірімдер арасында аутодеструктивті оқиғалардың, ерте жүктіліктің, зорлық – зомбылықтың алдын алу бойынша кездесу өз жалғасын табуда. Жетісай ауданына қарасты Ғани Мұратбаев атындағы гуманитарлық-техникалық колледжінің қыз балалары арасында алқалы жиын болып өтті. «Жастар ресурстық орталығы» мен «Әлеуметтік психологиялық сүйемелдеу секторының» ұйымдастыруымен өткен шара келеңсіз жағдайлар мен жат қылықтарды, ерте жүктіліктің және аутодеструктивті мінез құлық, қалыпты емес дағдарыстың, құқықбұзушылықтың, алдын-алуға бағытталды.
Балалар мен жасөспірімдерді зорлық-зомбылықтан және қатыгездіктен қорғау, оларға қарсы қылмыстың алдын алу шешімі тәртіпаралық сипатты иеленетін маңызды, әлеуметтік мәні бар және өзекті мәселелердің бірі болып табылады. Зорлық- зомбылықты бұлтартпау қызметіне құқық қорғау, қамқоршылық және қорғаншылық қызметкерлері, әлеуметтік және педагогикалық аймақ өкілдері, медициналық және психологиялық қызмет өкілдері жұмылдыруы тиіс. Осы тапсырмаға сәйкес бүгінде тиісті жұмыстар атқарылып келеді.
Жиынға шәкірттерден бөлек, мектеп мұғалімлер мен психолог мамандар ат салысты.Шара соңында жастар тарапынан сауалдар қойылып, жауапты мамандар бойжеткендерге ақпараттық кеңес берді.