Ел тұмар Ақпараттық портал
«Жастар арасындағы келеңсіз жағдайлар мен жат қылықтарды, ерте жүктіліктің және аутодеструктивті мінез құлық, қалыпты емес дағдарыстың, құқықбұзушылықтың, алдын-алу». Осы мақсатында ұйымдастырылатын кездесу Жетісай ауданы, Құрбан ата ауылы, «№8 Н.Оңдасынов» атындағы жалпы орта мектебі және «№12 Аманкелді» атындағы жалпы орта мектебінде жалғасын тапты. Күн тәртібінде балаларға қатысты зорлық-зомбылықтың алдын-алу, соның ішінде педофильдік іс-әрекеттерді болдырмау сондай-ақ, ерте жастан жүктіліктің алдын-алу және қыздар тәрбиесі тақыраптары көтерілді.
Облыстың білім беру ұйымдарында ерте жастан жүкті болудың алдын алу жұмыстарын күшейту бойынша іс-шаралар жоспары жасақталып, ай сайын көшпелі семинарлар өткізіліп келеді. Бұл мақсатта ақпараттық жұмыс жолға қойылды.
Жылдық тәрбие жұмысының жоспарындағы іс-шараларда жоба аясындағы қыз бала тәрбиесі бойынша өткізілген шаралардың үлесі артқан. Нәтижесінде оқушылардың құқықтық сауаттылығы артты. Қыздарымыз қиын жағдайға тап болғанда кімге айта алатынын біледі. Мұндай жиындар жастарға жақсы жаққа өзгеруіне өз септігін тигізіп отыр.