Отырар ауданы Аққұм ауыл округі С. Сейфуллин атындағы жалпы орта мектебінде жеткіншек қыз балалардың келеңсіз жағдайлармен жат қылықтардың алдын алу мақсатында жоғарғы сыныптың қыз балаларымен кездесу өткізілді. Іс-шараға мектеп директорының тәрбие ісі жөніндегі орынбасары Н. Момбекова, мектеп психологы Н. Құдіреттулдаева, «Жастар ресурстық орталығы» КММ-нің психолог маманы Г. Жантілеш қатысты. Кездесу барысында қоғамда белең алып отырған жасөспірімдер арасындағы аутодиструктивті оқиғалар (өз-өзіне қол жұмсау), ерте жүктілік, қыз тәрбиесі жөнінде түсіндіріліп, бейнероликтер көрсетіліп баяндама жасалса, оқушылар тарапынан сұрақтар қойылып, қызу пікір алмасты.
Сонымен қатар, осы аталған мектепте «Ислам- бейбітшілік діні» тақырыбында оқушылармен кездесу жиыны өтті. Іс-шараға ауыл имамы Б. Құттыбеков аудандық «Жастар ресурстық» орталығы КММ-нің теолог маманы Д.Есенгелді қатысып, өз сөздерінде Исламдық жолды ұстанған ата-бабаларымыз осы дінге лайықтап өз әдет-ғұрып, салт-дәстүрін, наным-сенімін қалыптастырған, әрі оны ұрпақтан ұрпаққа жалғастырып отырғандығын толыққанды түсіндіріп өтіп, өскелең ұрпаққа, елдің ертеңі болатын жастарға қолдан келгенше үлес қосып, болашағына сәттілік тіледі.