Қоқыстан ада қала

Қазіргі таңда Шымкент қаласындағы Қаратау ауданында қатты тұрмыстық қалдықтарды шығарумен 7 мекеме айналысады. Ауданда 65 қоқыс алаңшасы, 227 қоқыс жәшігі бар. «Нұрсәт» шағынауданының ішінде, әкімшілік-іскерлік орталығында, «Тұран» шағынауданында, «Шымкент сити» аумағында, «Асар» шағынауданында, «Ақжайық» шағынауданындағы көпқабатты тұрғын үйлердің аулаларында орналастырылған. Алдағы уақытта Шымкент қаласының шеткі аудандарын да қоқыс жәшіктерімен қамтамасыз ету жоспарлануда.