Ел тұмар Ақпараттық портал
Шымкент қаласы әкімдігі көшелерді жарықтандыру мәселесін алдыңғы орынға қойып отыр. Ірі көшелер ғана емес, сонымен қатар қалаішілік жолдардың бойы да, саябақтар да назардан тыс қалған емес. Бүгінгі таңда жасанды жарықтандыру барлық ірі қалалардың сәулеттік келбетін безендіреді. Шымкент қаласының аумағында түнгі жарықтандыру жүйесі 176 көшені қамтиды дейді Шымкент қаласының энергетика және коммуналдық шаруашылық басқармасының мамандары. Қаладағы шамдардың жалпы саны — 40 684, оның ішінде көшеде 14 343, көпқабатты үйлердің аулаларында 4500. Сегіз саябақта және 37 алаңда шамамен сегіз мың шамдар орнатылған. Қаладағы көше жарықтандыру желісінің жалпы ұзындығы 425 шақырымды құрайды. Соңғы жылдары 11 мыңға жуық орталық көшелерде жарықдиодты және энергия үнемдейтін шамдар, ал аулаларда төрт мыңға жуық шамдар ауыстырылды. Мұның барлығы да шырайлы қала шымкенттіктердің игілігі үшін жасалып жатқан жұмыстар.