Ел тұмар Ақпараттық портал
Шымкент қаласының 2200 жылдық тарихы барына негізгі дәлелдерді археологтар ескі қалашықтағы Цитадельдегі қазба жұмыстары кезінде табылғанын тілге тиек етіп жүр. Зерттеушілердің бірі де бірегейі, ғалым, тарих ғылымдарының докторы Бауыржан Байтанаев «Цитадельді зерттеу барысында қазба жұмыстарынан 8 зеңбірек, жарылған оқ жарықшақтары, құмыралар, түбектер, шырағдандар және әшекейлер мен алтын мен күмістен соғылған ақшалар табылды. Шымкенттің өз мұражайын ашуға жететін дүние қолымызда бар» деп еді. «Шымкент қалашығын» реставрациялау және музейлендіру жөніндегі «Цитадель» жобасы тартымды туристік нысанға айналмақ. Мұнда ерекше амфитеатр және 14 метр тереңдіктен табылған құндылықтардың музейі орналаспақ.
Жарияланды: 05.12.2019