Ел тұмар Ақпараттық портал
Шымкенттегі Абай саябағының аумағы 37 гектарды құрайды. Демалыс орнындағы жоспарлы жұмыстардың басым бөлігі аяқталды. Жасыл желек көздің жауын алады. 10 мың түп гүл мереке күндері шешек атады деп күтілуде, деп хабарлайды «Отырар.кз». Саябақтың әкімшісі Даңқ Мемориалы кешеніндегі гранитті плиталарды тазалауда жұмыстары жүргізіледі дейді. Мұндағы ескерткіштердің барлығы да ерекше күтімге алынған. Бірегей кешенде 140 мыңнан астам оңтүстікқазақстандық батырлардың есімдері тасқа қашалып жазылған. Ағайынды Досовтар сұрапыл соғыста қаза болған әкелеріне тағзым етуге Даңқ Мемориалына арнайы келіпті. Мұндағы күтімді көріп көздеріне жас та алды. Қаладағы барлық су бұрқақтары сәуірдің 20-на іске қосылады деп күтілуде. Тәуелсіздік саябағындағы әуенді су бұрқағының жұмысына қажетті бөлшектер жеткізілуде, — дейді «Жасыл қала» мекемесінің басшысы Талант Дүйсенұлы. Нысан қаланың коммуналдық меншігіне өткен. Енді субұрқақтың жұмысында ақаулар орын алса, ол қалалық бюджеттің есебінен жөнделеді.