Медициналық кабинеттер жаңартылуда

Шымкентте МӘМС жүйесі бойынша мектеп қабырғасында балаларға көрсетілетін медициналық көмек шаралары кеңейтілуде. Бүгінде №65 мектеп қабырғасындағы медициналық пунктің жағдайы жақсартылған. Мұнда қабылдау бөлімі мен ем-шара кабинетінің жұмысы жақсы жолға қойылған. Мектептегі медициналық кабинеттерде алғашқы медициналық көмек және профилактикалық қызметтер көрсетіледі. Мұндағы медицина мамандары автоматандырылған басқару жүйесі арқылы жұмыс істейді. Бірыңғай жүйе арқылы мектептегі медицина мамандары оқушының денсаулық жағдайы туралы ақпаратты жергілікті емханаға хабарлама беріп отырады. Айта кетейік, Шымкент қаласының аймағында 137 мектеп орналасқан. Білім ұяларында медициналық қызмет көрсету үшін «Әлеуметтік медициналық сақтандыру қоры» КЕАҚ-ның Шымкент қалалық филиалы 2020 жылдың басынан 18 медициналық мекемелермен келісім шартқа тұрған, оның ішінде 4 жеке меншік клиникалар. Бөлінген қаржы бойынша мектеп қабырғасындағы балаларға жыл сайын профилактикалық тексеруден өту және стоматологиялық медициналық көмектер көрсетіледі. Бұл Шымкент қаласының әлеуметтік даму бағытында атқарылып жатқан жұмыстардың бір көрінісі.