Ел тұмар Ақпараттық портал
Ауа райының қолайсыздығынан яғни, жауған жаңбыр мен сулы қардың салдарынан қала аумағында саябақтар, гүлзарлар және жергілікті аудан аумағындағы көпқабатты тұрғын үй аулалары мен ішкі орамдық көшелерде 1202 дана ағаш пен14761 дана ағаш бұтақтары сынған. Сонымен қатар, қала аумағында көше бойындағы ағаштардың құлауы салдарынан бірқатар қолайсыздықтар орын алды. Шымкент қаласына қарасты Әл Фараби ауданындағы жауапты мекемлер бір күні ішінде көпқабатты үй аулаларындағы, көшелердегі, гүлзарлардағы құлаған ағаштарды жинап, қоқыстардан тазартты. Ауданның белсенді тұрғындары көзден таса болып қалып кеткен ағаш, бұталар туралы аудан әкімдігіне хабарлап отырды. Кері байланысқа баса мән беретін мамандар дер кезінде әрекет етіп, аудан тұрғындары тарапынан түскен өтініштерді дер кезінде саралап отырды. Соның арқасында аудандағы барлық аумақ ағаш қалдықтарынан толықтай тазартылды.