Жол жөндеу жұмыстары аяқталды

Шымкент қаласындағы Жібек жолы, Төреқұлов көшелерін (Қазыбек би көшесінен Аймауытов көшесіне дейін) қайта құру жұмыстары қарқынды түрде жүргізіліп, бүгінде ел игілігіне берілді.

Көшенің ұзындығы – 2,2 шақырым, ені – 17 метрді құрайды. Ал, жаяу жүргіншілер жолы – 2,2 шақырым, ені – 2,2 метр. Жолды қайта құру жұмысымен «Шымкентдорстрой» ЖШС-гі айналысты. 2017 жылы басталған құрылыс жұмыстары бүгінде толығымен аяқталып, пайдалануға берілді.